Nagkalayo an saldang
asin an gabos na kublit
nagkarigos nin ganot.
Nagtatarakig an mga ngabil,
nagkiridit an mga liog
asin naghignit an mga liya-liya--
sa bilbil, sa tulak,
asin sa interong habayan.
Hinalat kun maligwak sa balde
an maluyang turo kan tubig.
Agua bendita.
Mababawasan daw an paha
kun an bulos nagkakalaga-kaga?
Pano an balde,nakalataw an tabo,
an tubig dai maibubo.
An parong, an hangos,
naghahaharapagan na
sa sadit na kwarto.
sa pagkatukro,
nawagwag an pantalon,
nahulwa an bulsa,
naragdak an santo rosaryo.
Enero 16, 2009
Subscribe to:
Post Comments (Atom)
0 comments:
Post a Comment